 |
 |
 |
 |
 |
 |
 |
 |
 |
 |
 |
 |
|
 |
Igor Lugris
Quen nos defende a nós
dos idiotas?
Chamo-me Igor Lugris. Nascin en Melide en 1971. Teño
publicado alguns textos, poemas e artigos en volumes colectivos e diversas
revistas do país. Este é o meu primeiro livro individual.
Dous poemários, un anterior e outro posterior a este, permanecen
inéditos: Pechar os ollos e Con quatro palavras.
Agradezo-lle a “Letras de Cal” a sua aposta por este livro.
A algunha outra editorial agradezo-lle a oportunidade que me deron para
non ter publicado até agora, e lamento que me fixeran perder tempo
e ánimos. Alá eles!
Muit@s idiotas andan fazendo das suas pola nosa terra, e alguns até
governando: alcaldes de “La”, “desleigados” do governo,
ciber-conselleiros da in-cultura e a realidade virtual, criadores de opinións
politicamente correctas, asfaltadores do país, empresári@s
da indústria neo-escravista, literat@s do poder e a comodidade,
faranduleir@s de despacho e moqueta, profetas da miséria, coleccionadores
de gravatas, chapeus e candidaturas, colunistas francotiradores e
sobrecolledores, catedrátic@s da vacuidade, revolucionári@s
derrotad@s e reconvertid@s, sub-secretári@s de asuntos poéticos,
etc...
Contra eles e elas, este livro.
E este livro para todas aquelas persoas que luitan e traballan pola libertazón
social e nacional do noso país, e especialmente para as que ainda
acreditan que a história da humanidade é a história
da luita de clases, e son conscientes da necesidade que temos de reaxir.
Outubro, 1997
ISBN:
84-922620-2-8
Ilustración de portada:
Cristo Aleister
44 páxinas